Manchester United ka marrë fitoren e parë për sezonin e ri në Premier League, pasi mposhti Burnley në frymën e fundit në “Old Trafford” me shfirat 3-2.
Në minutën e 17-të, Kyle Walker humb topin brenda në zonë dhe aty përfiton Mason Mount, i cili pengohet brenda zonës nga ish-mbrojtësi i Man. United, por tani luan për Burnley.
Fillimisht arbitri kryesor i takimit tregoi gishtin nga pika e bardhë e penalltisë, por duke mos qenë i bindur dhe pas sinjalizimit nga VAR, vendosi të shohë vetë pamjet në ekran dhe ndryshoi mendje, duke anulluar vendimin e mëparshëm për penallti.
Vendimi i arbitrit kryesor të takimit, Samuel Barrot, zemëroi pa masë lojtarët e United dhe tifozët, por “Djajtë” nuk u dorëzuan dhe gjetën avantazhin pak minuta më pas. Në minutën e 27-të, Bruno Fernandes kroson nga goditja anësore e dënimit, Casemiro godet me kokë traversën dhe topi përplaset me mesfushorin difensiv të Burnley, Josh Cullen dhe përfundon në rrjetë. Pjesa e parë përfundon 1-0 për United.
Burnley barazon shifrat në 1-1 në minutën e 55-të, Lyle Foster shënon pas asistit të Bruun Larsen. Megjithatë, “Djajtë” u rikthyen sërish në avantazh vetëm dy minuta më pas, Bryan Mbeumo shënon golin e parë me fanellën e Man. United, pas asistit të Dalot.
Në minutën e 66-të, Jaidon Anthony barazon sërish shfirat në 2-2, pas një rrëmuje në zonë dhe një topi të gjatë të ardhur nga Kyle Walker nga rivënia anësore.
Golin e fitores për vendasit e shënoi Bruno Fernandes nga pika e bardhë e penalltisë në minutën e 90+6. Përsa i përket Armando Brojës, sulmuesi kuqezi nuk ishte fare i grumbulluar për këtë takim, pasi nuk është ende gati, pavarësisht se luajti në mesjavë për 63 minuta, në EFL Cup.
Në ndeshjet e tjera, Jack Grealish ka rilindur duke asistuar dy herë në fitoren e Everton 2-3 në transfertë ndaj Wolves. Sunderland i Xhakës fitoi në frymën e fundit 2-1 shtëpi ndaj Brentford. Ishte pikërisht mesfushori me origjinë shqiptare që dhe asistin për golin e fitores në minutën e fundit shtesë. Krosim eprfekt i Xhakës, Isidor dërgon me kokë topin në rrjetë.
Surprizë e madhe është padyshim humbja e Tottenham në shtëpi 0-1 ndaj Bournemouth. “Gjelat e Londrës” vinin pas dy fitoreve bindëse në dy javët e para, por sot zhgënjyen para tifozëve të tyre. Fatin e takimit e vendosi goli i Evanilson në minutën e 5-të të takimit.
SHIKOGOLAT E MANCHESTER-BURNLEY
The post Man. United fiton në frymën e fundit, falë një penalltie. Xhaka fantastik, Grealish ka rilindur tek Everton appeared first on Telesport.
