Mbrojtësi i djathtë i Barcelonës, Hector Fort, i shumë përfolur gjatë gjithë merkatos verore, duket se do të largohet këto ditë të fundit nga katalanasit.
19-vjeçari ka munguar në seancën e fundit stërvitore të Barcelonës si dhe nuk do të udhëtojë me pjesën tjetër të ekipit në trasnfertën e nesërme ndaj Rayo Vallecano.
“Mundo Deportivo” raporton se Hector Fort do të huazohet në formë të thjeshtë te Mallorca, e cila nuk do të ketë asnjë të drejtë mbi lojtarin. Drejtuesit e Barcelonës e vlerësojnë shumë mbrojtësin e ri, dhe duke qenë se për të aktualisht nuk ka vend në formacionin e Hansi Flick, huazimi i tij është i nevojshëm për të fituar më shumë minuta lojë dhe sigurisht eksperiencë.
Një tjetër emër që mund të largohet këto ditë të fundit të merkatos është edhe Fermin Lopez, për të cilin ka interes nga Chelsea dhe Newcastle.
The post I përfolur shumë në merkato, ylli i ri i Barcelonës mungon në stërvitjen e fundit. Pritet zyrtarizimi tek ekipi i ri appeared first on Telesport.
