Aktorja amerikane Chloe Sevigny u shfaq në Festivalin e Filmit në Venecia, ku parakaloi në tapetin e kuq përpara premierës së filmit After the Hunt, i cili u prit me gjashtë minuta duartrokitje.
Sevigny tërhoqi vëmendjen me paraqitjen e saj, veçanërisht për shkak të veshjes së pazakontë. Ajo kishte zgjedhur një kombinezon të zi me dantellë dhe mëngë të gjata, të kombinuar me një fund të fryrë që binte menjëherë në sy.
Veshja ishte një krijim i Saint Laurent nga viti 2018, të cilin e kompletoi me sandale të së njëjtës markë dhe bizhuteri nga Tiffany & Co..
Megjithatë, pamja e saj nuk u pëlqeu të gjithëve, dhe disa media të huaja e cilësuan madje si “bizare”.
Filmi “After the Hunt”
After the Hunt është filmi më i ri i regjisorit Luca Guadagnino, me skenar të Nora Garrett. Në rolet kryesore luajnë Julia Roberts, Ayo Edebiri dhe Andrew Garfield, ndërsa një rol të rëndësishëm e ka edhe Sevigny.
Filmi trajton historinë e një studenteje të Universitetit Yale që akuzon profesorin e saj për përdhunim. As studentja e as profesori nuk paraqiten si plotësisht të besueshëm, duke ngritur dyshime mbi të dy palët.
Julia Roberts luan rolin e profesoreshës Alma, e cila gjendet përballë një dileme personale dhe profesionale kur studentja e shkëlqyer Maggie (Ayo Edebiri) akuzon profesorin Hank (Andrew Garfield). Njëkohësisht, një sekret i errët nga e kaluara e Almës rrezikon të zbulohet.
Filmi ka ngjallur tashmë debate dhe pritet të shihet si kontrovers për shkak të trajtimit të paqartë të dëshmisë së studentes. “Filmi nuk merr anë në asnjë moment”, ka theksuar Julia Roberts.
