Kourtney Kardashian ka tërhequr vëmendjen gjatë pushimeve familjare, vetëm pak javë pasi i dha fund zërave për një shtatzëni të re.
Ylli i reality show, 46 vjeç, u pa në shoqërinë e bashkëshortit të saj muzikant, Travis Barker, 49 vjeç, dhe djalit të tyre 21-muajsh, Rocky Thirteen.
E veshur me një rroba banjo të zezë njëpjesëshe në formë thong, Kourtney u pa duke shijuar detin në plazhin e Miamit të mërkurën, shkruan DailyMail.
Para se të hynte në ujë, ajo mbante një fund të gjatë në të zezë me çarje të lartë dhe detaje me dantellë, të cilin e hoqi para notit.
Aksesori kryesor i saj ishin syzet elegante të diellit, ndërsa flokët e zinj i la të lëshuara, duke i vënë pas veshit pasi doli nga deti.
Ajo kishte zgjedhur një grim të lehtë që theksonte bukurinë e saj natyrale. Ndërkohë, Travis kishte një stil më të thjeshtë, me pantallona të gjata për plazh në ngjyrë kafe dhe syze të zeza.
Djali i tyre Rocky dukej i ëmbël me një bluzë të bardhë me logon e grupit legjendar The Rolling Stones dhe pantallona të kuqe për not.
Travis u pa duke e mbajtur djalin në krah, duke shfaqur krenarinë si baba gjatë ditës së pushimit familjar.
Pas notit në det, familja vazhdoi ditën duke kaluar kohë pranë pishinës së resortit luksoz ku po qëndronin.
Përveç Rocky-t, Kourtney ka edhe tre fëmijë më të rritur nga ish-i fejuari i saj Scott Disick: Mason (15 vjeç), Penelope (13 vjeç) dhe Reign (10 vjeç).
Ky paraqitje e fundit e Kourtney vjen pasi ajo bëri bujë me reagimin e saj ndaj ndjekësve që spekuluan se ishte shtatzënë.
Thashethemet nisën pasi ajo postoi disa foto “pa filtra” nga një udhëtim në Idaho, ku në njërën shihej me një bodysuit të ngushtë dhe në një tjetër me rroba të gjera.
Komente të shumta nisën të pyesnin: “Çfarë po fsheh Kourtney?”, “A është sërish shtatzënë?”, madje një ndjekës shkroi hapur: “Thuhet se je shtatzënë, Kourtney!”.
Në përgjigje, ajo i tha se në fakt po kalonte kohën duke “ngrënë pancake dhe duke u hedhur nga shkëmbinjtë”, aktivitete të përfshira edhe në albumin e saj në Instagram.
Me këtë koment, Kourtney jo vetëm që shpjegoi pse duket me linja më të plota, por edhe tregoi se po merrej me aktivitete që s’do t’i bënte nëse do të ishte vërtet shtatzënë.
Udhëtimi i saj në Coeur d’Alene, Idaho, ngjalli edhe një debat tjetër në rrjete sociale, pasi Kourtney u kritikua që e mori djalin 21-muajsh në një varkë të vogël pa jelek shpëtimi.
Sipas ligjit të shtetit të Idaho-s, “të gjithë fëmijët nën moshën 14 vjeç duhet të mbajnë një jelek shpëtimi të miratuar kur ndodhen në një varkë më pak se 19 këmbë të gjatë, nëse ajo është në lëvizje”.
Komentuesit nuk e kursyen kritikat, madje një përdorues shkroi: “E mbron fytyrën e djalit nga interneti, por jo nga mbytja në ujë… përparësitë”.
Më herët këtë muaj, Kourtney iu përgjigj reagimeve duke zbuluar se kishte blerë një jelek shpëtimi për foshnje me çmimin 69,99 dollarë nga marka Stohlquist.
“Ishte një vërejtje me vend. Sinqerisht, nuk e kisha menduar për disa nga rreziqet”, shkroi ajo, duke shtuar se ky reagim shpreson të bëhet ndërgjegjësim edhe për nëna të tjera mbi rreziqet e lundrimit pa masa sigurie.
