Xabi Alonso doli sot në konferencë për shtyp në “Ciudad Real Madrid”, ku foli për gjendjen e skuadrës, lojtarët e rinj dhe pritshmëritë në ndeshjet e ardhshme. Ai vlerësoi Thiago Pitarch për energjinë dhe dinamizmin e tij, tregoi respekt për listën e kombëtares së Spanjës dhe u shpreh i kënaqur me rikthimin e Carvajal. Trajneri foli edhe për rëndësinë e lojtarëve si Rodrygo, Valverde, Camavinga e Vinicius, duke theksuar frymën e grupit dhe përgatitjet për sfidat e Champions League e kampionatit.
Për Thiago Pitarch: “Nuk e njihja shumë, por më pëlqeu që ditën e parë. Ka shumë dinamizëm, energji, di të luajë mes linjave. Kundër Leganés shënoi duke ardhur nga linja e dytë. Po na ndihmon shumë tani që mungojnë Jude dhe Camavinga. Është e rëndësishme të dimë që ka lojtarë te Castilla që mund të na përforcojnë”.
Për merkaton: “Përforcimet gjatë kësaj vere ndoshta janë mbyllur, por nuk dua të nxitohemi. Jemi gjithmonë të vëmendshëm”.
Rodrygo dhe krahu i majtë: “Ka luajtur në pozicione të ndryshme, si 9, 10 ose në të djathtë. E majta është gjithashtu një pozicion i mirë për të. Pas disa ndeshjeve, ku nuk kishte luajtur, ishte i rëndësishëm aktivizimi për të”.
Huijsen: “Na jep gjëra shumë të rëndësishme, sidomos qetësi në ndërtimin nga prapa. Është një blerje strategjike”.
Camavinga: “Jam i paduruar ta kem gati plotësisht. Ka cilësi të jashtëzakonshme dhe është shumë i dashur nga grupi. Sjell kohezion, gjë shumë e rëndësishme”.
Vinicius: “Thelbësore është që të gjithë të japin kontribut, nga fusha ose jashtë saj. Vinicius është i rëndësishëm, si edhe Valverde, Courtois e të tjerët. Rinovimi i kontratës? Jam shumë i lumtur me të, do të jetë lojtar fundamental”.
Ceballos: “Bisedova me të dhe është vendosur që të qëndrojë. Është një forcë më shumë për skuadrën”.
Sfidat jashtë fushe: “Shpresoj që të mos ketë episode të pakëndshme raciste. Për këtë janë autoritetet, ne duhet të fokusohemi në fushën e lojës”.
Shorti i Champions dhe udhëtimi 8.000 km: “Grupi është i vështirë, por motivues. Udhëtimi në Almaty është një sfidë më vete, do të duhet të organizohemi mirë”.
Për Mallorca: “Dua ta mbyllim këtë fazë përgatitore duke u rritur. Të hedhim një hap tjetër, të konkurrojmë dhe të fitojmë, duke lënë përshtypje të mira”.
The post “Vinicius, lideri ynë. Do të jetë fundamental. Camavinga po kthehet, mezi po e pres” appeared first on Telesport.
