Edhe pse e nisi sezonin e ri me gol ndaj Parmës, pak minuta pasi ishte futur si zëvendësues në fushë, Dusan Vlahovic duket se do të largohet nga Juventus këto ditë të fundit të merkatos. Për Vlahovic ka pasur interesim konkret nga Milan, pasi sulmues serb është i “preferuari” i Max Allegri-t.
Marrëveshja me Juventusin mund të arrihej për një shifër mes 20-25 milionë euro, duke ditur që kontrata e Vlahovic skadon vitin tjetër dhe ai mund të largohet si lojtar i lirë, por problemi i vetëm i Milanit është rroga e madhe e lojtarit, rreth 12 milionë euro në sezon. Për këtë arsye, Milan po shqyrton alternativa të tjera për sulmin.
Përsa i përket Vlahovic, klubi i tij i ri mund të jetë Newcastle. “Qymyrxhinjtë” po kërkojnë prej ditësh një sulmues të ri dhe pas dështimit të disa objektivëve si Benjamin Sesko e ndonjë emër tjetër, mund të jenë të detyruar të bëjnë një goditje “last-minute” në sulm. Aq më tepër që situata me sulmuesin e tyre kryesor, Alexander Isak, mbetet ende e komplikuar dhe suedezi ka vendosur të mos zbresë më në fushë, nëse nuk transferohet te Liverpool.
The post Dusan Vlahovic, “fiksimi” i Allegri-t do largohet nga Juventus, por jo te Milan appeared first on Telesport.
