Mesfushori i Real Madrid, Aurelien Tchouameni, shprehu kënaqësinë e tij me performancën bindëse të ekipit të tij kundër Oviedo, duke vënë në dukje se ekipi po tregon përparim të qartë që nga ndeshja hapëse e sezonit.
“Kjo ishte një fitore shumë e rëndësishme. Para fillimit të sezonit, thamë se kishim tre ndeshje për të fituar deri në pushim dhe kemi fituar dy të parat, duke shënuar edhe më shumë. Duhet të vazhdojmë të mbajmë portën të paprekur dhe të përmirësohemi ndeshje pas ndeshjeje“, tha Tchouameni.
Francezi vlerësoi ekuilibrin e përmirësuar të ekipit: “Kemi një ekuilibër të mirë midis lojës sonë sulmuese dhe asaj mbrojtëse. Gjëja më e rëndësishme tani është të fitojmë topin sa më lart të jetë e mundur dhe të krijojmë mundësi shënimi”.
“Ekipi përpiqet ta fitojë topin në gjysmëfushën e kundërshtarit dhe kur e bëjmë këtë, është më e lehtë të shënosh gola. Të gjithë lojtarët po e shijojnë këtë moment, ndaj duhet të vazhdojmë kështu”, shtoi mesfushori i “los blancos”.
“Ne filluam përgatitjen shumë vonë dhe midis ndeshjes së parë kundër Osasuna dhe asaj ndaj Oviedo e shohim ekipin në gjendje të mirë fizike. Kundër Mallorca do të përmirësohemi edhe më tej”, tha Tchouameni.
“Personalisht ndihem mirë. Po fillojmë një sezon shumë të gjatë dhe duhet të luajmë në një nivel të lartë. Do të punojmë shumë për të fituar trofe”, tha francezi.
The post Tchouameni: Po përmirësohemi ndeshje pas ndeshjeje, duam të rikthehemi te trofetë appeared first on Telesport.
