Mikel Arteta ka frikë se dëmtimi i Bukayo Saka në pjesën e pasme të kofshës është serioz. Trajneri i Arsenal ka mbetur i kënaqur nga fitorja 5-0 ndal Leeds në Premier League, por dëmtimet mund të lënë pasoja në të ardhmen.
Anësori anglez shënoi golin e dytë të Arsenal në ndeshjen e tyre të parë në shtëpi për këtë sezon, por u rrëzua pa kontakt pas 50 minutash lojë dhe u zëvendësua menjëherë nga Leandro Trossard në minutën e 54-të.
Saka ishte jashtë për gati katër muaj sezonin e kaluar me një dëmtim në kofshë, diçka që Arteta shpreson me dëshpërim ta shmangë përsëri këtë sezon. Trajneri spanjoll, duke folur për “Sky Sports”, zbuloi disa detaje.
“Bukayo, ndërsa vraponte me topin, e çonte përpara dhe luftonte me mbrojtësin, ndjeu diçka në kofshën e pasme. Do ta shohim. Nuk është i njëjtë me dëmtimin e mëparshëm. Që Bukayo të largohet nga fusha… sigurisht që sugjeron se është diçka e rëndësishme“, tha Arteta.
The post Arteta ka frikë pas dëmtimit të Saka: Përderisa doli nga fusha, diçka ka ndodhur appeared first on Telesport.
