Ushtarët letonezë nga Komanda Rajonale-Lindje e misionit të KFOR-it së bashku me trajnerët hungarezë nga Batalioni Taktik Rezervë i KFOR-it (KTRBN), zhvilluan një ushtrim intensiv kundër Kontrollit të Turmave dhe Trazirave (CRC) dhe Fobisë nga Zjarri në Kampin Novo Selo, transmeton KosovaPost.
KFOR njofton se këto ushtrime sigurojnë që forcat tona shumëkombëshe të mbeten të përgatitura për të ruajtur efektivitetin e misionit dhe për të mbështetur një mjedis të sigurt për të gjitha komunitetet në Kosovë.
“Këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë”, thuhet në njoftim.
“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”, thuhet më tej në njoftim.
The post KFOR-i letonez dhe hungarez zhvillojnë trajnime të përbashkëta kundër sulmeve me zjarr dhe turmave appeared first on Kosovapost.net.
