Këshilltari për Politikë të Jashtme i Kremlinit, Yuri Ushakov, ka zbuluar detajet e takimit të rëndësishëm që pritet të zhvillohet nesër mes presidentit amerikan Donald Trump dhe presidentit rus Vladimir Putin.
Sipas Ushakov, takimi do të nisë në orën 11:30 sipas orës lokale, që korrespondon me orën 22:30 sipas orës së Turqisë. Ai bëri të ditur se në këtë samit do të trajtohen çështje të ndjeshme dhe se programi i takimit është dakorduar nga të dyja palët.
Delegacioni rus do të përbëhet nga ministri i Jashtëm Sergey Lavrov, ministri i Mbrojtjes Andrey Belousov, Anton Siluanov dhe përfaqësuesi special i Putinit për investime dhe bashkëpunim ekonomik, Kirill Dmitriev, së bashku me Ushakovin.
Ushakov theksoi se Putin dhe Trump do të zhvillojnë fillimisht një takim kokë më kokë me përkthyes, e më pas do të bashkohen me delegacionet për bisedime të zgjeruara dhe një mëngjes pune.
“Çështja kryesore do të jetë menaxhimi i krizës në Ukrainë,” tha Ushakov.
Ai shtoi se në fund të samitit dy liderët do të mbajnë një konferencë të përbashkët për media dhe se pritet të ketë shkëmbim mendimesh edhe për zgjerimin e bashkëpunimit dypalësh në fushat e tregtisë dhe ekonomisë.
The post Caktohet edhe ora – Gjithçka gati për takimin vendimtar Trump – Putin appeared first on Kosovapost.net.
