Një nga protagonistët e mbrëmjes së “Gamper” ishte Joan Garcia, i prezantuar zyrtarisht para tifozëve si portieri i ri i Barcelonës. “Kisha dëshirë të luaja. Ndihem shumë rehat dhe fitorja gjithmonë ndihmon, – tha katalanasi, i cili e pranon me qetësi bashkëjetesën me Ter Stegen: – Ai është kapiteni ynë, e respektojmë shumë dhe jemi me të. Nëse po zgjidhet situata, është më mirë për të gjithë”.
Flick vlerësoi këtë ndryshim gjenerate në portë: “Marc është portier fantastik prej 11 vitesh. Ishte e rëndësishme të merrnim një portier të së ardhmes, tani kemi Joan, që është një blerje e madhe. Komunikimi është çelësi dhe kjo është dëshmuar”. Joan Garcia insistoi se adaptimi po ecën shumë mirë dhe shpreson që regjistrimi i tij do të realizohet pa probleme.
Fermín López, “MVP” i “Gamper”, theksoi ambicien kolektive: “ADN-ja konkurruese dhe golashënuese e kësaj skuadre është e patjetërsueshme. Bëmë shumë mirë sezonin e kaluar, duhet të vazhdojmë kështu”.
Për të ardhmen e tij, largoi çdo dyshim: “Dua të qëndroj dhe do të qëndroj. Barcelona është ëndrra ime, le të jenë të gjithë të qetë”. Andaluziani pati fjalë edhe për shokët e rinj të skuadrës: “Do të na ndihmojnë shumë këtë sezon, jam i lumtur për ta”.
Në një mbrëmje futbolli plot gëzim, me ritmin e fillimit të sezonit të ri dhe tifozët që ishin të përkushtuar, pavarësisht se nuk u festua në “Camp Nou”, Barcelona e Flick la të kuptohej se, përtej rezultatit, baza e projektit është të flasin, të dëgjojnë dhe të rriten së bashku. Një “Gamper” për të nxitur shpresë dhe kujtuar se, në futboll dhe në jetë, gjithçka fillon me një bisedë të mirë.
The post Joan Garcia: “Ter Stegen është kapiteni ynë”. Fermin Lopez: “Nuk largohem nga Barcelona” appeared first on Telesport.
