Manchester City është në kërkim të përforcimeve për qendrën e mbrojtjes. Castello Lukeba është shfaqur si një objektiv kryesor për “Qytetarët”. Mbrojtësi 22-vjeçar francez aktualisht luan te RB Leipzig, ku ka tërhequr vëmendjen, veçanërisht gjatë Kampionatit Evropian U-21, ku shkëlqeu me kombëtaren franceze.
Produkt i Olympique Lyon, Lukeba ka vazhduar të zhvillohet në Gjermani dhe tani krenohet me një nivel mbresëlënës performance. Ai vlerësohet shumë për aftësinë e tij në lojën me top, pozicionimin e fortë mbrojtës dhe leximin e mprehtë të lojës së kundërshtarit. Këto atribute e bëjnë atë një mbrojtës të gjithanshëm, të aftë të kontribuojë si në mbrojtje ashtu edhe kur sulmon.
Lukeba prej kohësh ka qenë objektiv i madh i Manchester United, por futja në lojë e Pep Guardiolës mund të ndryshojë komplet situatën. Leipzig thuhet se po pret një ofertë rreth 30 milionë eurosh për lojtarin e tyre. Bisedimet midis klubeve janë duke vazhduar dhe, nëse gjithçka shkon mirë, Lukeba shumë shpejt do jetë lojtari më i ri i Man. City.
The post Guardiola kërkon t’i bëjë “golin” e madh Man. United para nisjes së sezonit appeared first on Telesport.
