Këngëtarja e njohur shqiptare, Mihrije Braha, e cila prej dekadash ka qenë një emër i pandashëm i skenës muzikore, kohët e fundit ka tërhequr vëmendjen për një tjetër angazhim, këtë herë në industrinë e bukurisë.
Ajo duket se po largohet gradualisht nga muzika për t’iu përkushtuar me pasion kujdesit për lëkurën.
Kremi i bukurisë i krijuar nga vetë Mihrija ka filluar të marrë përmasa të mëdha promovimi, jo vetëm në rrjetet sociale, por edhe në paraqitjet e saj publike, shkruan “Kosovarha”.
Në vend që të flasë për projekte muzikore, Braha tani është më e pranishme me postime që lidhen me përfitimet e kremit të saj, për të cilin thotë se është rezultat i përvojës personale dhe hulumtimit të kujdesshëm.
