Liverpool-i është padyshim klubi më aktiv dhe ambicioz këtë verë.
Pasi kanë investuar tashmë mbi 300 milionë euro për të forcuar skuadrën e tyre me lojtarë të kalibrit të Florian Wirtz, Hugo Ekitike, Milos Kerkez dhe Jeremie Frimpong, Reds gjithashtu prej kohësh ndjekin sulmuesin suedez të Newcastle, Alexander Isak, i lindur në vitin 1999.
Sipas Sky Sports UK, oferta fillestare e Liverpoolit – 100 milionë sterlina plus bonuse – u refuzua menjëherë nga Newcastle, të vendosur për ta mbajtur sulmuesin e tyre për të paktën një sezon tjetër.
Bardhezinjtë ka vendosur çmimin: 150 milionë sterlina. Dhe për t’i rezistuar sulmit të Reds, ata po punojnë për një rinovim kontrate për Isak, me një rritje page dhe përfshirjen e një klauzole lirimi që hyn në fuqi verën e ardhshme.
Megjithatë, lojtari duket se ka ide të qarta: ai dëshiron të bëjë menjëherë kalimin në një klub të madh europian, dhe Liverpooli është në pozicionin kryesor.
Klubi nga Anfield po përgatit një sulm të ri me një ofertë të dytë edhe më bindëse, por Magpies nuk janë të gatshëm të dorëzohen pa pasur tashmë një zëvendësues të denjë.
Negociatat janë të ndërlikuara, por vendosmëria e Isakut mund të jetë vendimtare.
The post Liverpool përgatiti ofertën e re për Isak, por duhet një sakrificë appeared first on Telesport.
