Sllovenia Perëndimore përgjatë kufirit me Italinë u godit nga një stuhi më e fortë në fund të pasdites, e cila më pas u zhvendos drejt lindjes së vendit, shkruan H1 Slovenia.
Shira të rrëmbyeshëm të shoqëruar me erëra të forta goditën edhe kryeqytetin Lubjanë, ku erërat shkaktuan dëme në disa ndërtesa biznesi.
Zjarrfikësit e Lubjanës ndërmorën rreth 15 ndërhyrje sot, shumica e të cilave në Vic. Shumica e ndërhyrjeve kishin të bënin me heqjen e pemëve të rrëzuara që kishin rënë mbi automjete ose në rrugë, njoftoi Brigada e Zjarrfikësve të Lubjanës.
Në vendngjarje u dërguan njësi vullnetare zjarrfikëse. Ndërhyrja e fundit u regjistrua rreth orës 19:00 të mbrëmjes dhe deri më tani nuk raportohet për të lënduar.,
Pemët e rrëzuara shkaktuan gjithashtu probleme në trafik. Për shkak të pemëve në rrugë, trafiku u pezullua përkohësisht në autostrada, si dhe në rrugët anësore jugore dhe perëndimore të Lubjanës. /Klankosova.tv
