Kryediplomatja e Bashkimit Evropian, Kaja Kallas, ka njoftuar se është miratuar paketa e re e sanksioneve ndaj Rusisë. Ajo e ka cilësuar këtë si një nga paketat më të fuqishme deri sot.
“Ne po qëndrojmë të palëkundur. BE-ja sapo miratoi një nga paketat më të fuqishme të sanksioneve ndaj Rusisë deri më sot. Po i ulim edhe më tej buxhetin e luftës së Kremlinit, duke vendosur masa ndaj edhe 105 anijeve të flotës së fshehtë, bashkëpunëtorëve të tyre dhe duke kufizuar më tej qasjen e bankave ruse në financime”, ka shkruar Kallas në “X”.
Kallas ka dhënë detaje për sanksionet.
“Tubacionet Nord Stream do të ndalohen. Një kufi më i ulët për çmimin e naftës. Po ushtrojmë më shumë presion mbi industrinë ushtarake ruse, bankat kineze që mundësojnë shmangien e sanksioneve dhe po bllokojmë eksportet e teknologjisë që përdoren në drone”, ka shkruar ajo.
The post BE-ja vendos sanksione të reja kundër Rusisë appeared first on Kosovapost.net.
