Pas publikimit të një fotografie ku shihej në ambientet e një spitali, këngëtarja Dafina Zeqiri është detyruar të reagojë publikisht ndaj zërave që sugjeronin se ajo kishte shkuar për të lindur. Artistja, e cila ndodhet në ditët e fundit të shtatzënisë, ka hedhur poshtë këto spekulime përmes një reagimi të drejtpërdrejtë në rrjetet sociale. Në një InstaStory, ajo u shpreh e revoltuar duke thënë: “Jeni tu dek për një exclusivitet që s’keni me marrë KURR! Lëreni të qetë shtatzëninë time”. Foto: Dafina Zeqiri/InstaStory Me këto fjalë, Dafina kërkoi qartësisht respekt për privatësinë e saj në një nga momentet më të ndjeshme të jetës. Gjatë kësaj periudhe të veçantë, këngëtarja ka vazhduar të jetë shumë aktive në skenën muzikore, duke publikuar projekte të reja dhe duke u shfaqur e sigurt dhe krenare me barkun e saj të rrumbullakosur. Klipi i saj i fundit muzikor, i lansuar vetëm pak ditë më parë, është pritur me entuziazëm nga publiku dhe fansat e saj të shumtë, duke dëshmuar se përkushtimi i saj ndaj artit nuk është ndalur as në prag të lindjes.

Këngëtarja e njohur shqiptare, Soni Malaj, ka ndezur rrjetet sociale me disa fotografi të reja të publikuara në llogarinë e saj zyrtare në Instagram, ku shfaqet gjatë pushimeve verore në brigjet e bukura të Shqipërisë.

E veshur me bikini dypjesëshe – pjesa e poshtme në ngjyrë të zezë klasike dhe pjesa e sipërme me dizajn të larmishëm, 44-vjeçarja pozon në një anije luksoze, përballë një shpelle detare.

Pamja mbresëlënëse dhe figura e saj mahnitëse bënë që ndjekësit e saj të mbesin pa fjalë.

“Shqipëria e bukur,” ka shkruar ajo në mbishkrimin që shoqëron fotot, duke vënë në pah natyrën e mrekullueshme shqiptare, por edhe bukurinë e saj të pandryshuar ndër vite.

Soni Malaj, e cila ka qenë gjithmonë e njohur për stilin elegant dhe sharmin e saj skenik, vazhdon të jetë shembull frymëzimi për shumë gra.

Ajo ruan një mënyrë jetese të shëndetshme, duke kombinuar palestrën me një regjim të rregullt ushqimor — faktorë që, padyshim, ndikojnë në ruajtjen e formës së saj trupore për t’u admiruar.

Interpretuesja e hiteve të shumta, përfshirë “Fluturimi 3470”, jo vetëm që vijon të jetë aktive në skenën muzikore, por edhe të spikasë për elegancën dhe stilin që e karakterizon.