Emri i Karim Adeyemi është shfaqur sërish në Continassa. Sulmuesi 23-vjeçar i Borussia Dortmund është rikthyer në modë te Juventus, ndërkohë që po i afrohet skadimit të kontratës me skuadrën verdhezi.
Për pasojë, Borussia po dëgjon çdo ofertë që vjen për të dhe kjo mund të jetë vera e duhur për ta shitur atë. Verën e kaluar bardhezinjtë provuan ta sjellin në Serie A, por pa sukses. Kërkesa e lartë ekonomike për ta transferuar atë nga Dortmund u bë pengesa kryesore.
Karim gjithmonë e ka parë me një sy tjetër Serie A dhe në veçanti Juventus, që synon të bëjë këtë vit atë hap që mungoi vjet. Kështu, Pas Jonathan David, Juve po kërkon një alternativë të besueshme, duke qenë se çështja Sancho po zgjatet.
Karim Adeyemi pasqyron në mënyrë të përsosur identikitin që Juventus po kërkon në këtë treg: Ai është i ri, ka përvojë evropiane, por edhe hapësirë të bollshme për përmirësim që mund të bëjë që vlera e një rishitje të rritet.
Me pak fjalë, mund të jetë investimi ideal për të mbajtur gjurmët e David, me të cilin mund të krijojë një dyshe të fortë në sulm. Marrëdhëniet midis Juve dhe Borussia janë të shkëlqyera: të dy skuadrat do të gjejnë veten në fushë në Dortmund në 10 gusht për një miqësore.
Ky mund të jetë konteksti për të sanksionuar një marrëveshje. Adeyemi mund të largohet për një shumë prej 45-50 milionë eurosh. Një pjesë e këtij investimi do të vinte nga shitja e Dusan Vlahovic, që nuk është më në planet e Juventus.
The post Juventus synon të marrë yllin 23-vjeçar gjerman, miqësorja e 10 gushtit vulos marrëveshjen appeared first on Telesport.
