Një aksident me fatalitet ka ndodhur në fshatin Nabërgjan të Pejës.
Si pasojë një person e ka humbur jetën dhe katër të tjerë janë lënduar.
Rastin e ka konfirmuar për Klankosova.tv Fadil Gashi, zëdhënës i policisë për rajonin e Pejës.
“Vdekjen e viktimës e ka konstatuar mjeku. Katër persona kanë pësuar lëndime trupore”, deklaroi ai.
“Në aksident ishin të përfshirë dy vetura. Në vendin e ngjarjes kanë dalur njësitet relevante policore. Rasti po hetohet nga hetuesit e trafikut”, theksoi Gashi.
