Trajneri Pep Guardiola ka zbuluar se Rodri mund të jetë lënduar sërish gjatë ndeshjes së fundit të Manchester City në Kupën e Botës për Klube, atë të humbur kundër Al Hilal, në Orlando, një javë më parë.
Rodri hyri në fushë si zëvendësues për Ilkay Gundogan pas 53 minutash, por u detyrua të largohej në periudhën e parë të kohës shtesë. Guardiola tha se Rodri ishte ankuar për një problem, por pa dhënë detaje se çfarë ishte.
“Duhet ta shohim me kujdes gjendjen e Rodri. Ai u ankua për gjendjen e tij, por na duhet kohë për të kuptuar se për çfarë bëhet fjalë. Natyrisht nuk është një gjendje e rëndë, por ai sapo u kthye nga dëmtimi“, tha Guardiola.
Rodri humbi pothuajse të gjithë sezonin e kaluar për shkak të një dëmtimi serioz në gju dhe luajti si titullar për herë të parë që nga shtatori e kaluar vetëm një herë, në fitoren 5-2 kundër Juventus po në Botërorin për klube.
The post Pep zbulon shqetësimin e madh, Rodri mund të jetë dëmtuar sërish në Botërorin për klube appeared first on Telesport.
