Në New Jersey po luhet çerekfinalja e fundit mes Real Madrid dhe Dortmund për Kupën e Botës për Klube. Sigurisht që madrilenët vijnë si ekipi favorit në këtë përballje, por verdhezinjtë kanë treguar që janë një “kockë” e fortë për këdo, aq më tepër që në këtë kompeticion kanë treguar një formë shumë të mirë.
Madrilenët e kanë nisur mjaft mirë takimin dhe kanë kaluar në avantazh pas 10 minutave lojë, falë një kombinimi perfekt mes dy të rinjve, Arda Guler dhe Gonzalo Garcia.
Krosimi perfekt i turkut shfrytëzohet në mënyrën e duhur nga sulmuesi i ri spanjoll, i cili shënon golin e katërt në këtë kompeticion, duke qenë padyshim zbulimi më i madh deri tani. Shihgolin
Në minutën e 20-të, ishte radha e një tjetri Garcia për të shënuar golin e dytë. Fran Garcia dërgoi topin në rrjetë pas një dalje në sulm dhe asistit perfekt të Alexander Arnold. Pas 30 minutash lojë, Real Madrid po kryeson 2-0 dhe kualifikimi për në gjysmëfinale duket i vulosur.
The post Shënon një tjetër Garcia, Real “mbaron” punë shpejt ndaj Dortmundit (video) appeared first on Telesport.
