Një dasmë magjike dhe plot stil, ashtu si historia e tyre e dashurisë. Sandro Tonali i ka thënë “po” dashurisë së jetës së tij, Juliette Pastore, në një ceremoni madhështore që u zhvillua në një nga vendet më romantike të Italisë, “Villa Erba”, buzë liqenit të famshëm të Comos. Ky ambient i mrekullueshëm, i rrethuar nga gjelbërimi dhe uji kristal i liqenit, ishte skena e një dite që do të mbetet e paharrueshme për çiftin dhe të ftuarit.
Sipas raportimeve nga mediat italiane, si “Gazzetta dello Sport”, “Corriere dello Sport” dhe “Sky Sport”, ceremonia ishte e mbushur me emocione, elegancë dhe surpriza. Mes të ftuarve të shumtë ishin jo vetëm familjarë e miq të ngushtë të çiftit, por edhe shumë figura të njohura nga bota e futbollit.
Ndër më të spikaturit ishte Gigi Buffon, kreu i delegacionit të kombëtares italiane, i shoqëruar nga partnerja e tij Ilaria D’Amico. I pranishëm ishte gjithashtu Daniel Maldini, mik i afërt i dhëndrit dhe biri i legjendës kuqezi, Paolo Maldini. Ceremonia u zhvillua me një siguri të lartë dhe në mënyrë diskrete, për të ruajtur privatësinë e çiftit në këtë ditë të veçantë.
Të ftuarit kanë përjetuar një atmosferë përrallore, me dekorime që ndërthurën traditën dhe elegancën moderne. Shumë prej tyre ndanë momente të veçanta në rrjetet sociale, duke uruar çiftin për një jetë të gjatë e të lumtur së bashku.
Për Sandro Tonalin, ky kurorëzim vjen në një periudhë ku po përpiqet të rilindë si njeri dhe si futbollist, pas muajve të vështirë që kaloi për shkak të pezullimit nga aktivitetet sportive (rezultoi i përfshirë në bast-vënie të paligjshme). Ky moment i gëzueshëm duket se i ka sjellë një dritë të re në jetën e tij personale.
Dasma e Tonalit dhe Juliette është komentuar gjerësisht edhe për zgjedhjen e lokacionit, “Villa Erba”, një nga vilat më ikonike dhe prestigjioze të Liqenit të Comos, e preferuar nga shumë personazhe të njohur ndër vite. Një ditë dashurie, lumturie dhe uniteti, e denjë për një faqe të bukur në historinë e Tonalit dhe Juliette.
The post Tonali i thotë “po” Juliette. Dasma ekskluzive në Liqenin e Comos, mes yjeve të futbollit dhe miqve të afërt (fotot) appeared first on Telesport.
