Një natë për t’u harruar te Juventusi. Pas eliminimit nga Botërori për Klube në duart e Real Madridit, erdhi edhe “like” i Dusan Vlahovic në një postim në Instagram të Bellingham, që festonte kalimin e mëtejshëm të “Los Blancos”.
Për bardhezinjtë, ky “like” ishte një ofendim, ndaj tani duket e pashmangshme ndarja me Vlahovic. Sulmuesi serb qëndroi në stol gjatë gjithë 90 minutave dhe nuk konsiderohet më pjesë e planeve të Tudor.
Me nisjen e merkatos së verës, rrugët e tij dhe të Juventusit duket se do të ndahen. Tani, më shumë se kurrë, “divorci” duket i paevitueshëm, pas këtij sinjali në rrjetet sociale, që nuk lë më hapësirë për dyshime.
The post Vlahovic, “stuhi” në rrjetet sociale. Juventusi eliminohet, serbi i bën “like” postimit të Bellingham appeared first on Telesport.
