Kevin Edmond, një nga figurat më të komentuara të Big Brother VIP Kosova 3, ka marrë sërish vëmendje në rrjete sociale, këtë herë për shkak të një komenti kritik ndaj angazhimit të tij në muzikë.
I njohur për stilin e tij të drejtpërdrejtë dhe përkushtimin ndaj artit, Kevin nuk ka qëndruar në heshtje përballë komentuesve skeptikë.
Në një video të postuar në TikTok, një ndjekës i është drejtuar me fjalët: “Ta them si vëllai, vëllait: Leje këtë sport”.
Por Edmond ka reaguar menjëherë, duke treguar se nuk ka ndërmend të heqë dorë nga ajo që e konsideron një pjesë të rëndësishme të identitetit të tij artistik.
“Mu ndal? Unë veç sa ia kam nis”, ka shkruar ai.
E vërteta është se Kevin nuk është i ri në muzikë. Ai ka qenë i përfshirë në këtë fushë edhe përpara se të hynte në shtëpinë e famshme të BBVK 3, duke punuar në projekte muzikore dhe duke eksploruar stile të ndryshme.
Pjesëmarrja në Big Brother thjesht i dha më shumë ekspozim publik dhe një platformë më të gjerë për të ndarë pasionin e tij me audiencën.
Reagimi i tij ndaj komenteve negative ka gjetur mbështetje nga një pjesë e ndjekësve, të cilët e kanë vlerësuar vendosmërinë dhe dedikimin e tij.
Ndërkohë, të tjerë vazhdojnë të jenë kritikë ndaj përpjekjeve të tij artistike, një fenomen i zakonshëm për personazhet publike që zgjedhin të dalin nga formati televiziv dhe të provojnë veten në fusha të reja.
