Manchester United është gati të mirëpresë talentin më të ri nga Amerika e Jugut. Bëhet fjalë për Diego Leon, që është gati të fluturojë për në Mbretërinë e Bashkuar për të përfunduar transferimin e tij te “Djajtë e Kuq”.
Mbrojtësi i ri i majtë paraguaian ka nënshkruar një marrëveshje para-kontraktuale që janarin e kaluar. Tani pritet vetëm njoftimi zyrtar pasi të jenë përfunduar të gjitha formalitetet burokratike, nga nënshkrimi i kontratës përfundimtare deri në përfundimin e procedurës së vizës.
Leon, vetëm 18 vjeç, kaloi gjysmën e dytë të sezonit të kaluar me klubin e tij të lindjes, Cerro Porteno, ku vazhdoi të piqej ndërsa priste hapin e madh drejt Evropës. Rritja e tij ka qenë e shpejtë dhe cilësitë e tij nuk kanë kaluar pa u vënë re nga vëzhguesit e Manchester United, të cilët kanë vendosur të përqendrohen shumë tek ai.
Operacioni që do ta sjellë mbrojtësin e talentuar të veshë fanellën e lavdishme të Manchester United mund të arrijë një vlerë totale prej 8 milionë euro, përfshirë bonuset. Një shifër e rëndësishme që dëshmon për potencialin e lartë të njohur tek i riu paraguaian.
The post Kishte firmosur që në janar, Manchester United sjell në “Old Trafford” talentin e ri paraguajan appeared first on Telesport.
