Fituesi i Ferma VIP 2 u shpall reperi i njohur Big Basta, i cili arriti të fitojë zemrat e publikut dhe të kurorëzohet si më i votuari i natës finale.
Pas 24 javësh plot sfida, emocione dhe përballje në fermë, “Ferma VIP” mbylli edicionin e saj të dytë me një spektakël madhështor.
Në përballjen e fundit, Big Basta u përball me Anduelin, ndërsa momenti i shpalljes së fituesit u zhvillua në ambientet e jashtme të fermës, ku emocionet ishin të mëdha dhe tensioni në kulm.
Publiku shpërtheu në duartrokitje sapo emri i Big Bastës u dha si fitues.
Finalistët e këtij edicioni ishin pesë: Big Basta, Andueli, Andrea, Big Mama dhe Erandi. I pari që u eliminua ishte Erandi.
Fitorja e Big Bastës vjen si rezultat i një loje të sinqertë, përkushtimi dhe mbështetjes së madhe nga publiku.
