Manchester United është i vetmi klub që ka bërë një ofertë konkrete për sulmuesin e Eintracht Frankfurt, Hugo Ekitike, sipas ekspertit të transferimeve Fabrizio Romano.
Negociatat për Djajtë e Kuq pritet të jenë më të lehta se me klubet e tjera, pasi drejtori sportiv i Eintracht Frankfurt, Markus Kroos, është mik i ngushtë me drejtorin e rekrutimeve të Manchester United, Christopher Wivel, transmeton GazetaBlic Sport.
Nga ana e tij, Ekitike është i hapur për një transferim në Old Trafford, gjë që do të lehtësonte gjithashtu negociatat nëse dy klubet do të arrinin një marrëveshje për tarifën e transferimit.
Sulmuesi 22-vjeçar francez iu bashkua Eintracht Frankfurt si transferim i përhershëm në fillim të këtij sezoni pas një periudhe huazimi gjashtëmujore. Për “Shqiponjat”, Ekitike shënoi 26 gola dhe dha 14 asiste në 64 ndeshje.
/GazetaBlic Sport/
The post Manchester United me një ofertë konkrete për sulmuesin francez, Hugo Ekitike appeared first on GazetaBlic.
