Një mungesë tepër e rëndësishme për Kombëtaren shqiptare në Letoni do të jetë ajo e Berat Gjimshitit. Kapiteni kuqezi u ndëshkua me karton të verdhë mbrëmjen e djeshme në sfidën përballë Serbisë.
Kështu, Gjimshiti plotësoi numrin e kartonëve, duke sjellë edhe mungesën e tij në ndeshjen kundër Letonisë. Megjithatë, duket se Sylvinho e ka gati lojtarin që do të marrë në ekip në mungesë të kapitenit.
Bëhet fjalë për Adrian Bajramin, i cili u la në tribunë për ndeshjen ndaj Serbisë. Diçka të tillë e pohoi edhe vetë Sylvinho në konferencën për shtyp pas përfundimit të ndeshjes me Serbinë.
“Mungesa e Gjimshititi? Nesër duhet të shohim gjithçka. Tani kemi 5 qendërmbrojtës bashkë me Adrian Bajramin që po më çmend, po luan shumë mirë. Ai do shkojë pas ndeshjes në SHBA për të luajtur me Benfican në Botërorin e Klubeve. Kemi lojtarë dhe është e mirë për zgjedhje, do të bëjmë stërvitjen, do të shohim. Sot kemi shpenzuar shumë energji”, ishin fjalët e Sylvinhos pas ndeshjes.
The post Mungesa e Gjimshitit përballë Letonisë, Sylvinho i detyruar: Do rikthej në ekip mbrojtësin që po më çmend appeared first on GazetaBlic.
