Kosova barazon rezultatin, shënon Vojvoda nga penalltia

Pjesa e parë përfundoi me rezultat 2-1 për Armeninë, por Kosova e nisi furishëm pjesën e dytë, duke e kërkuar me ngulm barazimin.

Në minutën e 60-të, Baton Zabërxha u ndal në mënyrë të parregullt brenda zonës, duke fituar një penallti për skuadrën vendase.

Mërgim Vojvoda u tregua i saktë nga pika e bardhë, duke barazuar rezultatin në 2-2.

Pas këtij goli, Kosova ka vazhduar të ushtrojë presion të madh ndaj portës armene, duke krijuar disa raste të rrezikshme dhe duke treguar vendosmëri për të përmbysur rezultatin.

Djemtë e Franco Fodës po dominojnë lojën, duke i mbajtur armenët të ngujuar në gjysmëfushën e tyre dhe duke kërkuar me insistim golin e avantazhit.

<p>The post Kosova barazon rezultatin, shënon Vojvoda nga penalltia first appeared on Gazeta Online Reporteri.net.</p>