Për nder të përvjetorit të rënies së heroit të kombit Ahmet Hoxha, në Ferizaj po mbahet turneu memorial tradicional në pingpong.
Hoxha ka qenë bashkëluftëtar i komandantit Adem Jashari, Zahir Pajazitit dhe Salih Çekut.
Më 21 maj të vitit 1999, Hoxha, së bashku me shumë të burgosur të tjerë, kishte qëlluar në oborrin e burgut në Dubravë, ku ndodhej në vuajtje të dënimit për veprimtari atdhetare, si njëri prej organizatorëve të njësive të Ushtrisë Çlirimtare të Kosovës në trevën e Ferizajt, kur forcat serbe, duke shfrytëzuar si shkas bombardimin nga aeroplanët e NATO-s të këtij kampi, një pjesë e të cilit ishte shndërruar në bazë ushtarake të forcave serbe, zbrazën breshëri rafalesh të armëve në masën e të burgosurve, duke shkaktuar njërën prej masakrave më të mëdha në historinë e burgjeve e të kampeve të përqendrimit.
Nga kjo breshëri armësh ra edhe dëshmori Ahmet Hoxha. /Klankosova.tv
