Blue Ivy Carter, vajza 13-vjeçare e Beyonce-s, vodhi shfaqjen në fillim të turneut “Cowboy Carter Tour” në Inglewood. Ajo interpretoi koreografinë e këngës “Deja Vu”.
Edhe pse më parë kishte dalë në koncertet e nënës së saj, këtë herë ajo doli në skenë e vetme, gjë që shkaktoi entuziazëm tek të pranishmit. Kënga “Deja Vu” është një nga hitet më të mëdha të Beyonce dhe Jay-Z.
Shumë besojnë se Blue Ivy është një kopje e saktë e nënës së saj dhe se ajo ka një karrierë të shkëlqyer përpara.
“Nepotizëm në mënyrën e duhur”, “Nuk mund ta besoj që është vetëm 13 vjeç”, “Beyonce ka mësuar mirë”, “Do ta pushtojë botën brenda pak vitesh”, “Ata duken njësoj”, janë disa nga komentet.
Surprizat nuk mbaruan me kaq. Në fund të koncertit, në skenë u shfaq vajza më e vogël e Beyonce-s, Rumi Carter, e cila është shtatë vjeçe.
