Diskutimi i liderëve përfshinte Iranin, Izraelin dhe tregtinë, tha Trump.
Presidenti Donald Trump theksoi se së bashku me kryeministrin izraelit Benjamin Netanyahu kishin drekë dhe takime dhe ata mendojnë se kanë dalë me disa “zgjidhje mjaft të mira”.
I ulur krah për krah me Netanyahun, presidenti amerikan e quan veten presidenti më i mirë që Izraeli ka menduar ndonjëherë të shohë.
Diskutimi i liderëve përfshinte Iranin, Izraelin dhe tregtinë, tha Trump.
Duke trajtuar temën e ambicieve bërthamore të Iranit, Trump bëri me dije se janë duke zhvilluar bisedime të drejtpërdrejta me Teheranin për këtë çështje, duke shtuar se do të kenë një “takim shumë të madh” të shtunën.
Trump thotë se “bërja e një marrëveshjeje do të ishte e preferueshme sesa të bësh të dukshmen” – pa përcaktuar saktësisht se çfarë do të thotë kjo.
Por ai thotë se kjo “e qartë” nuk është ajo me të cilën ai dhe Izraeli duan të “përfshihen” nëse mund të shmanget. Trump vë në dukje se situata po futet në “territor shumë të rrezikshëm”.
Ai shton se do të ishte në interesin më të mirë të Iranit që bisedimet të ishin të suksesshme.
Ndërsa, Netanyahu falënderoi presidentin amerikan dhe e quan Trump një mik të shquar për Izraelin dhe popullin hebre.
Kryeministri izraelit thotë se do të eliminojnë deficitin tregtar me SHBA-të, duke shtuar se mendon se kjo është gjëja e duhur për t’u bërë.
Netanyahu shton se ata synonin të hiqnin barrierat tregtare dhe se Izraeli mund të jetë model i vendeve të tjera.
Ai thotë se i njeh problemet që SHBA ka me sistemin siç është aktualisht.
Netanyahu u thotë gazetarëve se dyshja folën për pengjet izraelitë të mbajtur në Gaza.
Ata duan t’i “i nxjerrin të gjithë jashtë”, thotë ai.
Ata po punojnë për një marrëveshje tjetër për lirimin e pengjeve, shton ai, se ata “shpresojnë të kenë sukses”.
Netanyahu tha gjithashtu se dyshja folën për Sirinë gjatë diskutimeve të tyre.
Ai thotë se ata nuk duan që Turqia apo ndonjë vend tjetër të përdorin Sirinë si bazë për të sulmuar Izraelin.
Kryeministri izraelit shtoi se SHBA është mik i Turqisë.
