Policia e Kosovës ka konfirmuar se një person 40 vjeçar ka vdekur, pas shembjes së dheut në një punishte në Veternik të Prishtinës.
Zëdhënësi i policisë për rajonin e Prishtinës, Agron Borovci, i ka thënë Nacionales se një person tjetër ka mbetur i lënduar
“Sot rreth orës 13:00, është pranuar informacioni se dy persona janë zënë nga shembja e dheut në një vendpunishte në rrugën “Gjilani” në lagjen Veterniku në Prishtinë.
Nga informacionet e para është bërë e ditur se njëri nga ta është nxjerrë nga aty dhe po merr trajtimin e nevojshëm mjekësor në QKUK, ndërkaq fatkeqësisht, tjetri, mashkull, rreth 40 vjeç, është konstatuar pa shenja jete, nga ana e mjekëve emergjent.
Policia ka dalë në vendin e ngjarjes, dhe në koordinim me prokurorin e shtetit si dhe mekanizmat e tjerë të nevojshëm po vijon punën për sqarimin e rrethanave që karakterizojnë ngjarjen” – ka thënë ai.
