Hungaria do të tërhiqet nga Gjykata Ndërkombëtare Penale, ka konfirmuar Qeveria e këtij shteti, derisa kryeministri Viktor Orban ka pritur kryeministrin e Izraelit dhe te arratisurin e GjNP-së, Benjamin Netanyahu në Budapest.
“CNN” raporton se vizita e Netanyahut në Hungari shënon herën e parë që lideri i Izraelit ka shkelur në tokën evropianëe që prej kur GjNP-ja lëshoi një urdhërarrest ndaj tij në maj të vitit 2024, transmeton nacionale.
Gjykata tha se ka bazë të arsyeshme që të besohet se Netanyahu ka përgjegjësi kriminale për krime të luftës, duke përfshirë “vrasjen nga uria si metodë lufte” dhe “krime kundër njerëzimit si vrasja, persekutimi dhe akte të tjera çnjerëzore”.
GjNP-ja nuk ka fuqi të veta të zbatimit të ligjit, kështu që shtetet anëtare të saj duhet të arrestojnë dhe t’i transferojnë të dyshuarit në Hagë. Si nënshkruese, Hungaria është e detyruar që ta arrestojë Netanyahun.
ICC nuk ka fuqitë e veta për zbatimin e ligjit, kështu që mbështetet në shtetet e saj anëtare për të arrestuar dhe transferuar të dyshuarit në Hagë. Si nënshkruese, Hungaria është e detyruar të arrestojë Netanyahun.
Nëse e përfundon tërheqjen, Hungaria do të bëhet i vetmi shtet evropian që nuk është pjesë e GjNP-së.
Izraeli po ashtu nuk është anëtar i kësaj gjykate, bashkë me Shtetet e Bashkuara, Kinën, Rusinë, Arabinë Saudite dhe disa shtete të tjera.
