Është rikthyer te goli mesfushori dhe kapiteni i përfaqësueses së Maqedonisë së Veriut, Enis Bardhi i cili tani është pjesë e ekipit të Bodrumspor në Superligën turke.
Bardhi arriti që të shënon në minutën e 63-të, kur dyfishoi shifrat për skuadrën e tij në udhëtimin te Rizespor.
Kujtojmë se ky është goli i parë i Enis Bardhit me skuadrën e Bodrumspor, te cili ekip erdhi pas transferimit nga Trabzonspori, transmeton telegrafi.
Skuadra e Bodrumspor, ku luajnë edhe disa futbollistë të tjerë shqiptar, të kombëtares kuqezi si Taulant Seferi dhe Arlind Ajeti është në zonën e rrezikut për të mbijetuar në elitën e kampionatit turk. Bodrumspor është në pozitën e 15 me 30 pikë.
