Kandidati i PDK-së për kryeministër, Bedri Hamza para mijëra qytetarëve dhe simpatizantëve në një tubim në Drenas është shprehur se sfidat janë të mëdha, por se vendosmëria e tyre është më e madhe se gjithçka tjetër.
Hamza tutje u shpreh se do të forcojnë aleancën me SHBA-në dhe vendet e BE-së.
“Historia jonë është histori e përpjekjeve të vazhdueshme për një jetë më të mirë. Ndërtuam autostrada, zhvilluam ekonominë, hapën vende pune dhe tani është koha të vazhdojmë përsëri të bashkuar.
Edhe sot sfidat janë të mëdha, por vendosmëria jonë është më e madhe se gjithçka tjetër. Bashkë do të ndërtojmë të ardhmen që e meritojmë, një të ardhme të sigurt për fëmijët tanë, mirëqenie për prindërit tanë dhe paga të dinjitetshme për qytetarët tanë”.
“Do të forcojmë aleancën me Shtetet e Bashkuara të Amerikës dhe vendet e Bashkimit Evropian”, ka thënë Hamza.
Për qytetarët e kësaj komune, Hamza pati edhe një premtim për një projekt që ai u tha se e kanë për zemër.
“Do të kemi investime dhe do të kthejmë përkrahjen e qeverisë për komunën e Drenasit dhe një projekt të cilin ju e keni për zemër dhe ne ua garantojmë, e ai është Stadiumi Kombëtar në Drenas”, u shpreh tutje Hamza.
Hamza i bindur në fitoren e tij: Pas 9 shkurtit do ta kemi një standard të ri në politikë
