Zyrtare: Patrick Dorgu lojtar i ri i Manchester United

Patrick Dorgu edhe zyrtarisht është lojtar i ri i Manchester United.

Mbrojtësi danez ka kompletuar transferimin e tij nga Lecce ,ku ka nënshkruar kontratë deri në qershor të vitit 2030, me mundësi vazhdimi edhe për një vit, shkruan indeksonline.

20 vjeçari ka luajtur 57 ndeshje për Lecce, duke shënuar pesë gola.

“Jam jashtëzakonisht krenar që mund ta quaj veten lojtar të Manchester United, kjo është një ditë shumë e veçantë për të gjithë familjen time.

Mezi pres të punoj me Ruben Amorimin; vizioni i tij për këtë ekip dhe e ardhmja e klubit është tepër emocionuese. Ekziston një plan i qartë i përcaktuar për zhvillimin tim dhe mendoj se Manchester United është vendi i përsosur për të përmbushur potencialin tim dhe për të kompletuar ambiciet e mia të mëdha.”, deklaroi Dorgu pas nënshkrimit të kontratës.