Mendimi për motin – 29.01.2025
Të reshurat e shiut që vazhdojnë gjatë natës, mëngjesin e së enjtes pritet të pushojnë. Intervale me diell parashihen gjatë ditës, e më vonë pasdite nuk përjashtohen mundësi për rrebeshe të dobëta shiu, në pjesë të vendit, kryesisht përreth zonave malore në jug e lindje. Temperaturat minimale zbresin në 6C e 7C, e ato maksimale gjatë ditës 12C e 15C. Frynë erë e lehtë dhe mesatare jugore e juglindore 3-7m/s.
Të premtën, pas mëngjesit me kushte mjegulle përgjatë ultësirave, ditën do të ketë intervale me diell. Në fundjavë vransira kalojnë më shpesh mbi vend, duke u shtuar ditën e diel. Më vonë në mbrëmje priten dhe të reshura shiu, që deri në mëngjesin e së hënës shndërrohen në borë. Temperaturat në rënie graduale prej 12C e 14C, në 10C e 12C në fundjavë, ndërsa të hënën zbresin pranë 0C deri në mbrëmje.
