Deputeti i AAK’së, Daut Haradinaj ka thënë se biseda e Mimoza Kusari- Lilas me kriminelin serb, Milan Radojciq dëshmon se kah “i ka kthyer antenat qeveria Kurti”.
Haradinaj ka shkruar po ashtu se kjo qeveri ishte koordinuar kundër UÇK’së në ligjin e pagave.
Ai thotë se Qeveria në vend se të koordinohet me Amerikën, po bashkëpunon me terroristë serbë.
Reagimi i tij ka ardhur pas publikimit të audio-incizimeve të shefes së GP të Vetëvendosjes, Mimoza Kusari-Liles me kryekriminelin Radojçiq.
Postimi i plotë:
Incizimet e publikuara sot nga Paparaci, ku dëgjohet koordinimi i mashës së Kurtit, Mimozës me Radoiçiqin, tregon mirë se kah i ka te kthyme antenat qeveria e tij.
Në vend që të koordinohen me Amerikë e aleatë, këta bashkëpunojnë me terrorista serb.
I tillë ishte koordinimi kundër UÇK-së në përfshirjen e tyre ne ligjin e pagave ku publikisht votuan kundër.
I tillë ishte vendimi i qeverisë, njëherë për bllokimin e më pas për çbllokimin e hyrjes së produkteve serbe në Kosovë, pa asnjë përfitim për vendin.
Të tilla janë mashtrimet e nëpasnjëshme me të cilat Kurti dhe kasta e tij tash e katër vite i ushqen popullin me popullizëm e në anën tjetër armiqësoi vendin me aleatët kryesorë.
Vlerat tona kombëtare nuk ka qeveri e as individ që mund t’i thyej. Mobilizimi për t’i largu këta mashtrues e shërbëtorë jugosllav tashmë nuk është vetëm detyrë, por mision që kërkon gjithëmobilizim.
