Deputeti i VV-së, Mefail Bajqinovci ka thënë se takimi i kryeministrit Albin Kurti me shefin e CIA-s, William Burns, është një dëshmi e qartë e rëndësisë së Kosovës dhe marrëdhënieve tona strategjike me SHBA-në
Bajqinovci thotë se kjo është përgjigja më e mirë ndaj j spekulimeve opozitare.
“Disa opozitar dhe analist janë lodhur duke deklaruar qysh shefi i CIA-s nuk e takon Kryeministrin Kurti duke mbjellë dyshime dhe pasiguri, por faktet flasin vetë. Takimi i kryeministrit Albin Kurti me shefin e CIA-s, William Burns, është një dëshmi e qartë e rëndësisë së Kosovës dhe marrëdhënieve tona strategjike me SHBA-në. Përgjigja më e mirë ndaj spekulimeve opozitare është puna konkrete dhe angazhimi i vazhdueshëm për të mirën e vendit tonë. Kosova ecën përpara, pavarësisht përpjekjeve për të na penguar.
Ramushit, Petritit e LDK-se, ju dështuan parashikimet për takimin Kurti-Burns”, shkruan Bajqinovci.
Kujtojmë se shefi i CIA-s, William Burns zbarkoi në Prishtinë mesditën e së enjtes, për t’u takuar fillimisht me presidenten e vendit, Vjosa Osmani, e sot me kryeministrin e vendit, Albin Kurti.
Asnjë nga këto takime nuk ishte paralajmëruar, e as nuk është deklaruar asnjë nga palët.
Në Prishtinë, drejtori i CIA-s erdhi pas vizitës në Sarajevë e Beograd.
