Nënkryetari i Aleancës për Ardhmërinë e Kosovës (AAK), Daut Haradinaj, ka thënë se shumë rajone të Dukagjinit janë në terr në mungesë të energjisë elektrike.
Për këtë ai ka shprehur kritika ndaj kryeministrit të Kosovës, Albin Kurti.
Përmes një postimi në Facebook, të dielën, Haradinaj i ka thënë Kurtit se nuk ka asnjë justifikim ta lejojë këtë diskriminim.
Më tutje, ai ka thënë se këto janë pasojat e anulimit të Termocentralit të ri.
”Edhe sonte sikur pothuajse çdo natë, rajone të shumta të Dukagjinit janë në terr, pa energji elektrike për orë të tëra. E frikshme të kalosh nëpër Dushkajë në errësirë të plotë. A thua a mendon ndokush nga qeveria se si ngrohen këta njerëz, në këtë acar që po mbizotëron në vend”.
“Kryeministër, merr masa sepse nuk ke asnjë justifikim ta lejosh këtë diskriminim! Këto janë pasojat kur e anuluat Termocentralin e ri, i cili tash do të ishte veç i përfunduar. Apo ndoshta je peng i mafisë energjetike të rajonit(Serbisë)!?””, ka shkruar Haradinaj.
