Tragjedia në Maqedoni, Rama: Pikëllim, u jemi pranë familjareve

Pas incidentit të rëndë në Maqedoni ku një autobus doli nga rruga me një bilanc prej 13 viktimash ka reaguar edhe kryeministri Edi Rama. Përmes një postimi në ’Twitter’, Rama shkruan se u gjendet pranë shpirtërisht familjareve të viktimave.

“Pikëllim për tragjedinë e autobusit në vendin fqinj të Maqedonisë së Veriut, ku numri i viktimave e të plagosurve ka tronditur e shqetësuar aq shumë familje. U jemi pranë shpirtërisht të gjitha familjeve dhe të gjithë vendit mik”, shkruan Rama.