Massimiliano Allegri sheh gjithmonë anën pozitive, edhe pse Interi është shkëputur në +7 pikë. Trajneri kuqezi u fokusua tek objektivi “Champions”: “Kemi fituar një pikë, që do të jetë e rëndësishme ndaj Juventusit, Napolit dhe Romës.
Titulli? Duhet të qëndrojmë të qetë”. Ai shtoi: “Pjesa e parë ishte e ekuilibruar dhe pak e mërzitshme. Ata kaluan në avantazh dhe nuk ishte e lehtë të rikuperonim, por ia dolëm dhe krijuam raste të tjera. Tani duhet të mendojmë vetëm të rikthehemi te fitorja kundër Parmës”.
Për episodin me Fabregas: “Mendoj se pati faull, Saelemaekers po nisej në kundërsulm dhe u tërhoq nga pankina, besoj nga Fabregas. A kërkoi falje? Herën tjetër futem edhe unë në fushë. Shkova të mbroj lojtarin tim, por nuk ndodhi asgjë”.
Ai vlerësoi golin e Leaos dhe asistin e Jasharit, duke theksuar rezultatin e 24-t radhazi pozitiv: “Duhet qetësi, të rikuperojmë lojtarët dhe të vazhdojmë të punojmë. Futbolli ndryshon shpejt, ndaj duhet të fitojmë për të ruajtur avantazhin ndaj ndjekësve”.
The post 7 pikë larg, Allegri nuk sheh nga kreu: Fituam një pikë ndaj Juves, Napolit dhe Romës… appeared first on Telesport.
