Shtatori e ka “shenjtëruar” Kylian Mbappé si protagonist absolut të futbollit europian. Sulmuesi francez pati një muaj të jashtëzakonshëm, duke shënuar të paktën një gol në çdo ndeshje të luajtur. Me fanellën e Real Madridit luajti në 9 ndeshje zyrtare dhe shënoi në të gjitha, ndërsa me Francën kishte 2 paraqitje të tjera gjithmonë në listën e golashënuesve.
Nga goli i parë kundër Ukrainës deri te “hat-trick”-u në Almaty, Mbappé shënoi 12 gola në total, duke kaluar Harry Kane dhe arritur në nivelin e Haaland. Demonstrim i fuqisë dhe vazhdimësisë, në La Liga dhe Champions League. Madje edhe në humbjen kundër Atletico Madridit, ai nuk e humbi shansin për të shënuar.
Statistikat tregojnë qartë: 60 gola në Champions League në 89 ndeshje, më shpejt se Cristiano Ronaldo, Benzema dhe Raúl, pas vetëm Messi dhe Lewandowski. 26 vjeç e 284 ditësh, ai bëhet i dyti më i ri, që shënon 60 gola në Champions, pas Messit. Pas “hat-trick”-ut në Kazakistan, ai tha: “Doja të shënoja 5 gola, për këtë më bleu Real Madridi”. Kjo tregon ambicien e tij të jashtëzakonshme dhe aspiratën për t’u vendosur në elitën e sulmuesve me Cristiano, Messi dhe Lewandowski.
The post 60 gola në Champions. Mbappé bëhet lojtari i dytë më i ri që e arrin këtë rekord, pas Messit appeared first on Telesport.
