Kanë përfunduar pjesët e para të disa prej takimeve të javës së 21-të në Premier League. Manchester City po fiton 1-0 ndaj Brighton në “Etihad”. Për “Qytetarët” shënoi Erling Haaland në minutën e 42-të, nga pika e bardhë e penalltisë, e fituar nga Jeremie Doku, pas u pengua brenda zonës.
Mungoi goli në dy sfidat e tjera, Crystal Palace-Aston Villa dhe në derbin londinez Fulham-Chelsea. “Blutë” janë me një lojtar më pak, pas kartonit të kuq të Marc Cucurella, për faull ndaj lojtarit të fundit, pak pa hyrë në zonën e penalltisë.
Bournemouth po fiton 2-1 ndaj Tottenham. Londinezët shënuan të parët me Mathys Tel, vendasit përmbysën shifrat brenda pjesës së parë. Në sfidën tjetër, Brentford po fiton 1-0 ndaj Sunderland, me golin e të zakonshmit Igor Thiago, goli i 15-të për brazilianin këtë sezon në Premier League. Ekipi i drejtuar nga Keith Andrews, renditet në vendin e 5-të momentalisht, duke qenë një surprizë e bukur për këtë sezon.
The post 45′ e para: City mjaftohet me një penallti, Cucurella skuqet në derbi. Brentford vazhdon ngjitjen (video) appeared first on Telesport.
