PSG ka nisur sezonin e ri të Champions League si kampion në fuqi, duke dhënë një sinjal të fortë për gjithë Europën. Skuadra e Luis Enriques shkatërroi Atalantën 4-0, në një ndeshje ku shifrat dhe loja flasin qartë. Bilani për këtë sezon është frikësues: 6 ndeshje, 6 fitore, 16 gola të shënuar dhe vetëm 5 të pësuar (shifra e referuar në titullin e shkrimit), si dhe 4 porta të pastra.
Performanca ishte e plotë. Marquinhos shënoi dhe fitoi një penallti, Nuno Mendes e Achraf dominuan si të ishin sulmues krahu, ndërsa Barcola dhe Fabián Ruiz krijuan vazhdimisht rrezik. Me 18 tentativa drejt portës dhe një penallti të humbur, rezultati mund të kishte qenë edhe më i thellë.
Luis Enrique u shpreh: “Më pëlqeu mentaliteti me të cilin e nisëm këtë garë, intensiteti dhe aftësia për të kaluar presionin e lartë”. Edhe trajneri i Atalantës, Ivan Juric, pranoi epërsinë: “PSG luan në një nivel krejt tjetër”. Portieri i ri, Lucas Chevalier, e përmblodhi ambicien: “Jemi kampionë në fuqi dhe duam ta fitojmë sërish trofeun. Ky grup është i gatshëm për gjëra të mëdha”.
The post 16-5 i PSG-së i fut frikën Europës: “Ata po luajnë në një nivel krejtësisht tjetër” appeared first on Telesport.
