Newcastle po planifikon të përforcojë ekipin me Joao Pedro, Anthony Elanga dhe James Trafford për kthimin në Champions League, sipas The Telegraph.
Të tre lojtarët mendohet se janë të interesuar të zhvendosen në St James’ Park, me oferta prej 50 milionë sterlinash për Pedro dhe Elanga dhe një transferim prej 25 milionë sterlinash për Trafford. 125 milionë sterlina në total (rreth 146 milionë euro).
Trajneri i Magpies, Eddie Howe, dëshiron që të sjellë nënshkrime të reja përpara fillimit të fazës përgatitore në fillim të korrikut, por mbetet për t’u parë nëse ata do ta përfundojnë këtë operacion të trefishtë.
Brighton ka treguar gatishmëri për të shitur lojtarët e tyre më të mirë për çmimin e duhur në vitet e fundit, me lojtarë si Moises Caicedo dhe Alexis Mac Allister që u larguan për shuma të majme.
Thuhet se Nottingham Forest është i bindur se Elanga nuk është në shitje, por kjo nuk e ka penguar Newcastle në ndjekjen e tyre.
The post 146 milionë euro për Champions-in, Newcastle përgatit super ofertën për tre lojtarë appeared first on Telesport.
